[aws_search_form]
Եթե լվացքի մեքենան ոչ միայն թեթևակի տատանվում է, այլև ուժեղ դղրդում է, տեղաշարժվում կամ աշխատելիս ամբողջ հատակն է զգալիորեն թրթռում, ապա խնդիրը միայն անհարմար աղմուկը չէ, այլ լուրջ խնդիր։
Կենցաղային տեխնիկայից առաջացող մեխանիկական թրթռումները կարող են փոխանցվել հատակին, պատերին և շինության այլ կոշտ կոնստրուկցիաներին։ Արդյունքում լվացքի մեքենայի աղմուկը կարող է լսելի կամ զգալի դառնալ նույնիսկ մյուս սենյակներում։ Սակայն պարտադիր չէ փոխել լվացքի մեքենան։
Փոխարենը, անհրաժեշտ է պարզել թրթռման աղբյուրը, այնուհետև ճիշտ համադրել մեխանիկական կարգավորումը, վիբրոմեկուսացումը և անհրաժեշտության դեպքում ձայնամեկուսացումը։
Նախքան հակաթրթռումային լուծում ընտրելը կարևոր է հասկանալ, թե ինչու է մեքենան թրթռում։
Լվացքի մեքենան թրթռո՞ւմ է։ Գտեք պատճառը 30 վայրկյանում։
| Ինչ եք նկատում | Հավանական պատճառ |
|---|---|
| Մեքենան տեղաշարժվում է | ❗ Սխալ հարթեցում |
| Միայն պտտման ժամանակ է թրթռում | ⚠️ Անհավասարակշռված լվացք |
| Հատակը նույնպես թրթռում է | 🔊 Կառուցվածքային թրթռում |
| Մետաղական ձայն կա | 🔧 Հնարավոր մեխանիկական խնդիր |
| Նոր մեքենան շատ ուժեղ է թրթռում | 🚨 Տրանսպորտային ամրակներ |
Ամենատարածված պատճառներից մեկը թմբուկում լվացքի անհավասար բաշխումն է, ինչպես օրինակ ծանր իրեր՝ վերմակներ, հաստ սրբիչներ, անկողնային պարագաներ, գորգեր, որոնք կարող են պտտման ընթացքում կուտակվել թմբուկի նույն հատվածում։ Բարձր պտույտների ժամանակ այս ծանր օրերը առաջացնում են անհավասարակշռություն և ուժեղ տատանումներ։
Խուսափեք մեկ մեծ և ծանր առանձին լվանալուց, այլ հավասարաչափ բաշխեք և պահպանեք արտադրողի կողմից նշված առավելագույն բեռնվածության սահմանները։
Լվացքի մեքենան պետք է տեղադրել լինի հարթ, ամուր և կայուն հիմքի վրա, որպեսզի սարքը պտտման բարձր արագության ժամանակ հնարավորինս քիչ ճոճվի։ Հակառակ դեպքում, այս ճոճքը ոչ միայն ուժեղացնում է աղմուկը, այլև ավելացնում մեխանիկական ծանրաբեռնվածությունը ներքին համակարգի վրա։
Օգտագործեք շինարարական պատվանդան և ստուգեք մեքենան երկու ուղղությամբ՝
Կարգավորեք մեքենայի ոտքերը այնպես, որ բոլոր հենակետերը կայուն շփվեն հատակի հետ։
Նոր լվացքի մեքենաների թմբուկը տեղափոխման ժամանակ ամրացվում է հատուկ տրանսպորտային պտուտակներով, որոնք պետք է հեռացնել նախքան մեքենայի օգտագործումը, հակառակ դեպքում թմբուկի կախոցային համակարգը չի կարող նորմալ աշխատել և ուժեղ թրթռումներն անխուսափելի է, իսկ ներքին բաղադրիչների վնասման վտանգը մեծ0։
Լվացքի մեքենայի երկարատև օգտագործման արդյունքում կարող են մաշվել ամորտիզատորները, կախոցային տարրերը և առանցքակալները։ Որպես մաշվելու նշաններ կարող եք դիտարկել ուժեղ դղդրոցը, մետաղական ձայնի առկայությունը, ճռճռոցը, թմբուկի արտասովոր շարժը, կամ շատ բարձր աղմուկը թրթռին զուգահեռ:
Նման իրավիճակում հակաթրթռումային նյութը չի վերացնում սարքի մեխանիկական անսարքությունը․ կենտրոնացեք սկզբնապատճառի վրա։
Երբ լվացքի մեքենան տեղադրվում է փայտյա, թեթև կամ ճկուն հատակի վրա, հատակի ռեզոնանսի պատճառով մեքենայի բնական թրթռումները կարող են ուժեղանալ։ Այսինքն, լվացքի մեքենան կարող է տեխնիկապես նորմալ աշխատել, սակայն դրա թրթռումները տարածվում են ամբողջ հատակով։ Հենց այստեղ է կարևոր դառնում վիբրոմեկուսացումը։
Շրջափուլը շատ պարզ է՝ լվացքի մեքենան թրթռում է, այն փոխանցվում է դրա հենակետերին, որտեղից անցնում է հատակին: Հատակից թրթիռը փոխանցում է էներգիան պատերին և այլ կառուցվածքային տարրերին։
Այսինքն՝ մենք գործ ունենք ոչ միայն օդով տարածվող ձայնի, այլև կառուցվածքային աղմուկի և թրթռումների հետ։
Օրինակ՝ լվացքի մեքենայի պտտման ժամանակ առաջացած թրթռումը կարող է զգացվել.
Այդ պատճառով միայն պատի ձայնամեկուսացումը միշտ չէ, որ բավարար է։ Եթե աղմուկի աղբյուրը մեխանիկական թրթռումն է, անհրաժեշտ է հնարավորինս կանգնեցնել թրթռման փոխանցումը հենց աղբյուրի և կոնստրուկցիայի շփման կետում։
Նախ անհրաժեշտ է ճիշտ տեղադրել լվացքի մեքենան:Եթե այն չունի տեխնիկական անսարքություն, ապա արժե մտածել թրթռումների փոխանցման նվազեցման մասին։
Աղմուկի նվազեցման համար կարևոր էլվացքի մեքենայի հենակետերի և հատակի միջև տեղադրել համապատասխան էլաստիկ նյութ, որը կնվազեցնի մեխանիկական թրթռումների փոխանցումը։ Բայց չմոռանանք՝ ցանկացած ռետինե տակդիր նույն արդյունքը չի ապահովում։
Վիբրոմեկուսիչ նյութի արդյունավետությունը ուղիղ կախված է.
Հետևաբար գրագետ ընտրեք վիբրոմեկուսիչ նյութը հաշվի առնելով ոչ միայն նյութի հաստությունը կամ «փափկությունը», այլ տվյալ կիրառման առանձնահատկությունները և բեռնվածության մակարդակը, որտեղ պիտի օգտագործվի։
Փաստենք, որ վիբրոմեկուսացումը և ձայնամեկուսացումը նույն բանը չէ և կա կարևոր տարբերություն։ Վիբրոմեկուսացումը նվազեցնում է մեխանիկական թրթռումների փոխանցումը մի կոնստրուկցիայից մյուսը։ Մինչդեռ, ձայնամեկուսացումը սահմանափակում է ձայնային էներգիայի փոխանցումը մի տարածքից մյուսը։
Հետևաբար, եթե լվացքի մեքենան թրթռում է, ինչն էլ փոխանցվում է բետոնե հատակին, նախ պետք է աշխատել թրթռման փոխանցման ուղու վրա։ Իսկ եթե մեքենայի աշխատանքի արդյունքում սենյակում բարձր օդային աղմուկ է առաջանում, ապա ձայնամեկուսիչ համակարգի ներդրումը կարող է դառնալ անհրաժեշտություն:
Հաճախ երկու մոտեցումների ճիշտ համադրությունն է դառնում արդյունավետ:
| Վիբրոմեկուսացում | Ձայնամեկուսացում | |
|---|---|---|
| Ի՞նչ է նվազեցնում | Մեխանիկական թրթռումների փոխանցումը | Ձայնային էներգիայի փոխանցումը |
| Որտեղից է սկսում | Թրթռման աղբյուրից/հենակետից | Կոնստրուկցիայից կամ տարածությունից |
| Նպատակ | Կտրել թրթռման փոխանցման ուղին | Նվազեցնել ձայնի տարածումը |
| Լվացքի մեքենայի դեպքում | ⭐ Առաջնային | 🔹 Կարող է լինել լրացուցիչ |
«Տեքնո ակուստիկ» ընկերությունը ներկայացնում է TECSOUND նյութերի շարքը, որը ներառում է բարձր խտությամբ և ճկուն ձայնամեկուսիչ մեմբրաններ և նախատեսված է տարբեր կիրառությունների համար։ Օրինակ՝ TECSOUND FT 55-ը համակցված նյութը, որը ծանր ճիլառաձգական մեմբրանի, ծակոտկեն թաղիքի և ամրանավորված ալյումինե շերտի համադրություն է և հրաշալիորեն կմեկուսացնի ձայնը։
Այնուամենայնիվ շատ կարևոր է, որ Tecsound մեմբրանը չդիտարկել որպես լվացքի մեքենայի տակ պարզապես տեղադրվող «հակաթրթռումային գորգ»։ Արդյունավետության համար անհրաժեշտ է գրագետ մոնտաժման ձև և համակարգի ճիշտ կառուցված:
Մեկ այլ նյութ, որ արդյունավետ պայքարում է թրթռամեկուսացման դեմ TECSOUND SY70-ը է, որը բարակ, բարձր զանգվածով և բարձր խտությամբ առաձգական մեմբրան է՝ ինքնակպչուն շերտով։ Այն կիրառվում է ինչպես տարբեր շինարարական կոնստրուկցիաների, այնպես էլ մետաղական տարրերի ձայնամեկուսացման համար։
Իսկ TECSOUND SY100-ը բարձր ամրությամբ հանքային հիմքով ձայնամեկուսիչ նյութ է, որն ունի նաև դեմփֆերային գործառույթ և կարող է կիրառվել ձայնամեկուսացման ու վիբրոմեկուսացման համակարգերում։
Եթե լվացքի մեքենայի աղմուկը մեղմելու համար պարզապես պետք է թեթև տեղաշարժել մեքենան, ապա կարող եք առանց պրոֆեսիոնալ մոտեցումների լուծել խնդիրը՝ ստուգելով՝
Եթե չեք արձանագրել որևէ խնդիր, ապա ավելորդ է հատուկ քայլեր նախաձեռնելը, վայելեք լվացքը խաղաղ պայմաններում: Սակայն եթե պտտման ժամանակ թրթռումը շարունակում է փոխանցվել հատակին կամ ամբողջ բնակարանին, արդեն իմաստ ունի ուսումնասիրել մասնագիտական վիբրոմեկուսացման լուծումները։
Թրթռումի դեմ նյութ ընտրելիս կարևոր է հաշվի առնել մի շարք գործոններ, որպեսի վերջնարդյունքը գոհացնող լինի: Միայն նյութի «հաստ» կամ «փափուկ» լինելը բավարար չափանիշ չէ, դա ինչ-որ առումով միֆ է, ոչ թե չափանիշ։
Իրական արդյունավետության համար պետք է հաշվի առնել.
Ձեր խնդիրը հեշտացնելու նպատակով «Տեքնո ակուստիկ»-ն առաջարկում է պատրաստի ձայնամեկուսացման լուծումները ներառում են հատակի, պատերի, առաստաղների և միջնապատերի համար նախատեսված համակարգեր։
Լվացքի մեքենայի թրթռումը դատավճիռ չէ ու պետք չէ շտապել մտածելու, որ սարքը փչացել է։ Շատ դեպքերում մեքենան տեխնիկապես լինում է նորմալ, բայց թրթռումները առկա են: Ծանրաբեռնվախության և քաշի անհավասարակշռության, սխալ տեղադրման կամ հատակի հետևանքով թրթռումները փոխանցվում են հատակին և շինության կոնստրուկցիաներին՝ առաջացնելով աղմուկ:
Անհրաժեշտ է աշխատել թրթռման փոխանցման ուղու վրա և ընտրել վիբրոմեկուսիչ և թրթռամարիչ այնպիսի նյութեր, որոնք կարող են էապես բարելավել իրավիճակը։ Կապ հաստատեք «Տեքնո ակուստիկ» ընկերության հետ և ծանոթացեք ներկայացված Tecsound լուծումներին: Վերջիններս նախատեսված են տարբեր ձայնամեկուսիչ և թրթռամեկուսիչ համակարգերում օգտագործվելու նպատակով՝ ելնելով կոնկրետ խնդրից և կոնստրուկցիայից։
Ամենատարածված պատճառներն են անհավասարակշռված լվացքը, սխալ հարթեցումը, հատակի ճկունությունը, մաշված ամորտիզատորները կամ այլ մեխանիկական խնդիրները։
Պարզ ռետինե տակդիրը կարող է որոշ չափով նվազեցնել թրթռումների փոխանցումը, սակայն մասնագիտական արդյունքի համար անհրաժեշտ է ընտրել նյութ՝ հաշվի առնելով սարքի զանգվածը, բեռնվածությունը, թրթռման բնույթը և հատակի կառուցվածքը։
Այո։ Թրթռումները կարող են փոխանցվել շենքի կոշտ կոնստրուկցիաներով՝ հատկապես հատակի և պատերի միջոցով։ Այդ երևույթը հայտնի է որպես կառուցվածքային թրթռումների փոխանցում։
Ոչ միշտ։ Եթե հիմնական խնդիրը կառուցվածքային թրթռումն է, առաջնահերթ պետք է դիտարկել վիբրոմեկուսացումը և թրթռումների փոխանցման ուղու ընդհատումը։ Ձայնամեկուսիչ նյութերը կարող են լինել համալիր համակարգի մաս՝ կախված խնդրի տեսակից։
Որոշ Tecsound արտադրանքներ ունեն թրթռամարիչ հատկություններ և նախատեսված են համապատասխան ձայնամեկուսիչ/վիբրոմեկուսիչ համակարգերում կիրառման համար։ Օրինակ՝ Teca.am-ը TECSOUND FT 55-ի համար նշում է ձայնակլանիչ, ձայնամեկուսիչ և թրթռամարիչ հատկություններ։
Միասնական «լավագույն» նյութ չկա։ Լուծումը պետք է ընտրվի ըստ սարքի քաշի, թրթռման հաճախականության, հենակետերի, հատակի տեսակի և այն բանի, թե որտեղ է թրթռումը փոխանցվում։